IPL 2025 के लिए तैयार है सरे कप्तान
IPL 2025 mein ek bada badlav dekhne ko mila hai, jahan 9 Indian cricketers ko captaincy di gayi hai aur sirf 1 foreign player ko team ka leader banaya gaya hai. Yeh faisla Indian players ke badte dominance aur leadership skills ko dikhata hai. Aayiye jaante hain IPL 2025 ke sabhi teams ke captains ki poori list.
IPL 2025 ke liye tayar hain sare captain
Indian Premier League (IPL) 2025 ke liye sabhi das teams ne apne naye captains announce kar diye hain. Is baar 9 Indian aur 1 foreign player ko captain banaya gaya hai. Yahan dekhiye sabhi teams ke naye captains ki list:
| Team | Captain |
|---|---|
| Chennai Super Kings (CSK) | Ruturaj Gaikwad |
| Lucknow Super Giants (LSG) | Rishabh Pant |
| Rajasthan Royals (RR) | Sanju Samson |
| Sunrisers Hyderabad (SRH) | Pat Cummins |
| Royal Challengers Bangalore (RCB) | Rajat Patidar |
| Punjab Kings (PBKS) | Shreyas Iyer |
| Mumbai Indians (MI) | Hardik Pandya |
| Kolkata Knight Riders (KKR) | Ajinkya Rahane |
| Gujarat Titans (GT) | Shubman Gill |
| Delhi Capitals (DC) | Axar Patel |
Naye captains par ek nazar:
- Shreyas Iyer (PBKS):
Pichle season mein KKR ko IPL trophy jitane wale Iyer ko Punjab Kings ne ₹26.75 crore me kharida aur team ka naya captain banaya. Punjab Kings kabhi bhi IPL nahi jeeti hai, isliye Iyer ki leadership team ke liye crucial hogi. - Rishabh Pant (LSG):
Lucknow Super Giants ne Pant ko record ₹27 crore me buy kiya aur captain banaya. Pehle Delhi Capitals ke captain rahe Pant ab LSG ke liye title jeetne ki koshish karenge. - Ajinkya Rahane (KKR):
KKR ne Rahane ko ₹1.5 crore me buy kiya aur captain banaya hai. Rahane ka experience team ke liye kaafi valuable hoga. - Axar Patel (DC):
Delhi Capitals ne Axar ko ₹16.50 crore me retain kiya aur captain bana diya. Ye unka pehla full-time captaincy experience hoga. - Rajat Patidar (RCB):
RCB ne Patidar ko naya captain banaya hai. Ye unka pehla IPL captaincy experience hoga. Virat Kohli aur Patidar milkar team ko pehli IPL trophy jitane ka target rakhenge.
IPL 2025 ki shuruaat aur schedule:
IPL 2025 ka season 22 March se start hoga aur 25 May tak chalega. Sabhi teams championship jeetne ke liye compete karegi. Kya is baar naye captains apni teams ko trophy jeetane me safal honge? Yeh dekhna interesting hoga!
